لازم يبقى لينا وقفه للى بيحصل فى فلسطين

السلام عليكم ورحمة الله وبركاته

كلنا طبعا شفنا وسمعنا عن اللى حصل فى فلسطين انهارده انا مكنتش محضره كلام او فى دماغى اى حاجة بس حاسه بجد ان كده كفايه قوى لكل اللى بيحصل لينا لأننا معاهم دول مسلمين وعرب زينا واللى بيحصل لهم انهارده ممكن يحصل لنا بكره لو فضلنا ساكتين

لازم يبقى لينا وقفه لازم رد فعل قوى ومؤثر احنا هنتحاسب على كل مسلم او مسلمه بيتقتل من غير ما يكون لينا رد فعل او موقف بنعمله

لو حد شاف اللى حصل ياريت يتخيل ان اللى يبموتوا دول اخواتنا او امهاتنا اللى بتبكى بدل الدموع دم على ولادها او ابونا اللى بيعامل بشكل سئ او اختنا اللى بتتبهدل ياريت نحاول بس نتخيل ونعرف هما حاسين بايه

كفايه بقى عياط واستنكار وحسبنه وخلاص مش هو ده كل اللى بنعمله لازم يكون لينا رد فعل

انا هدفى من الموضوع ده ان كل واحد يدخل يقول ايه اللى ممكن نعمله عشان نقدر نساعد اهلنا فى فلسطين او العراق او الشيشان او اى مكان فى العالم

او لو اى حد يعرف طريقة او مكان نقدر نساعد بيها يدخل يقول لنا عليها عشان نقدر نتحرك والدال على الخير كفاعله

ياريت نساعد بعض كلنا ونقول لو فى قوافل لو فى مساعدات اى حاجة حد يقلنا عليها

وجزاكم الله خيرا ياشباب وبنات أمة محمد